Проверете ја вашата брзина на читање

ВОЈНА НА ИНТЕЛИГЕНЦИЈАТА

Нови светски трендови

Аналитичарите на пазарот на хартии од вредност, како соколи, остро набљудуваат десет лица во Силиконската долина. Само навестување дека некое лице од компанија А би можело да премине во компанија Б е доволно да се затресе светскиот пазар на хартии од вредност.

Англиската комисија за работна сила неодамна објави преглед од кој се гледа дека 80 проценти од најуспешните 10 проценти британски компании вложуваат многу пари и време во образование, додека меѓу најслабите 10 проценти компании ниту една не вложува во образование.

Во Минесота, со компјутерскиот образовен проект Платон, го подигнале нивото на размислување и училишниот успех кај 200 000 ученици.

Во вооружените сили на се поголем број држави, умствените техники за самоодбрана стануваат исто толку важни како и телесните боречки вештини.

Државните олимписки тимови посветуваат и до 40 проценти од времето за тренинг на развој на позитивен ментален став, психичка издржливост и визуелизација.

Во Fortune 500, само најдобрите пет компјутерски компании потрошиле повеќе од една милијарда долари за образование на своите вработени. Развивањето на интелектуалниот капитал станува приоритет, вклучувајќи го и развојот на најсилната светска валута - интелигентноста.

Во Каракас, д-р Луис Алберто Мачадо станал првиот владин министер за интелигенција. Неговата задача е да ја зголеми умствената моќ на народот.

Сведоци сме на голем скок во развојот на човештвото - свесност за самата интелигенција и истовремено свесност дека таа може да се развива до изненадувачки граници.

Работа на мозочната кора

Денес е општо познато дека мозочните кори на левата и десната хемисфера извршуваат различни интелектуални задачи. Додека левата хемисфера главно се занимава со логика, зборови, броеви, редоследи, анализа, праволиниско размислување и набројување, десната хемисфера е одговорна за бои, имагинација, дневно сонување, просторни односи и димензии.

Само неодамна е сфатено дека левата хемисфера не е само училишната страна, исто како што десната не е само креативна, иновативна и емоционална. Од обемни истражувања знаеме дека и за учење и за креативен процес треба да се користат заедно.

Ајнштајновци, Њутновци, Сезановци и Моцартовци на овој свет, при создавањето на своите дела ги поврзувале јазичните, бројните и аналитичките способности со имагинацијата и визуелните претстави.

Мисловни шеми

Со користење на ова основно знаење за работата на нашиот ум, можно е луѓето да се обучат да ги совладаат спомнатите тешки области и да се подобрат дури за 500 проценти.

Кај вообичаеното запишување, стандардниот начин на претставување е праволиниски. Овие методи ги кочат менталните способности на мозокот.

Наспроти тоа, мисловните шеми го користат целиот опсег на мозочните способности. Сликата се става во средината на листот, што го олеснува помнењето и креативното раѓање идеи.

Интелектуални специјални единици за брзо читање

Со комбинирање на методата на мисловни шеми и нови техники за исклучително брзо читање, кои овозможуваат брзина на читање од над 1000, па дури и 10 000 зборови во минута, можат да се создадат интелектуални специјални единици.

Методата ја користеле меѓународните компании Nabisco и Digital Computers.

Мнемонички техники

Мнемоничките техники ги измислиле старите Грци и ги сметале за трикови. Денес сфаќаме дека тие се цврсто засновани на работата на мозокот и дека, ако се користат правилно, секој може изненадувачки да ја подобри меморијата.

Заборавање по учење

По учењето следува изразито заборавање. По еден час учење, краткорочно се подобрува прифаќањето на информациите. Потоа следи изразит пад на сеќавањето, при што по 24 часа се губат 80 проценти од деталите.

Ментални способности и стареење

Д-р Мерион Дајмонд неодамна потврдила дека нема докази дека нормалните, здрави и активни мозоци со стареењето губат клетки. Кај мозоците што се користат и тренираат, доаѓа до биолошко зголемување на нивната меѓусебно поврзана комплексност.

Учењето на луѓе на 60, 70, 80 и дури над 90 години покажало дека може да дојде до статистички значајни и трајни подобрувања во сите области на менталната активност.

Извор: Tony Buzan, MK Zalozba d.d. Ljubljana 2009